الورود اربع

لورود اربع وعنوان الجمال وكل زين
  في رهام وفي روان وفي رزان وفي رتال
في عيوني تشرق الدنيا سعادة مع حنين
  كل ماشفت الورود اللي تمايل في دلال
في عيوني شي ثاني شي اثمن من ثمين
فيهم اجمل شي شفته فيهم آيات الجمال
ورد عمري  مازرعته في بساتين السنين
صار لي اعظم هديه مايوصفها مقال
حبهم بالقلب ساكن يربطه حبل متين
تنبض عروق المشاعر حب في زين الخصال
قرة عيوني وفرحة خافقي في كل حين
هم قمر يضوي بكوني في دجى سود الليال
اطلب المولى يجنبهم شرور الحاسدين
ياعسى بالعمر فرحه والزمن يمشي عدال
في معزه والنقا والخير في دنيا ودين
ربي احفظ لي ورودٍ مالهم عندي مثال