كشر بنابه

لي صاحبن ياناس كشر بنابه
لاعادلي صاحب ولاعدله صاح
اجيه بل معروف ويصك بابه
اعماه جهله بلعماء لين مطاح
سهم الحسدسله بغدراوصابه
صابه وفاح الجرح بلكايده فاح
مزوننا عدت بوسط السحابه
ماردها هرج المقفي ولوناح
ياضامين تطرد من الماء سرابه
مايروي العطشان غدره ولوباح
القافله سارت وتحمل ذيابه
مارده جرون على الدرب نباح
بعض الوجيه احيان فيها تشابه
وبعض الكلام احيان للناس فضّاح
لكن على مثلك فلاهي غرابه
مافيه بابٍ مايجي فيه مفتاح
ضيعتها بيديك ماهي طلابه
ونا سعيد الحال والبال مرتاح