بديت بسم اللي على الخلق عالي
يسمع دبيب النمل في ظلمة الليل
سبحانه الوالي على كل والي
اللي حمى بيته بطيرٍ ابابيل
ثم ابتدي بك ياكريم السبالي
الي تعلى ف السماء كنه سهيل
بوحامدالي يرتقي للمعالي
عمي سندنا بالليال المقابيل
وقت الشدايد ثابتٍ كالجبالي
ماهو من اللي يكثرون الاقاويل
ياطيب فعله في قريبٍ موالي
فزعة محبه وثقتهاالمواصيل
وقفات صدق من قريبٍ وغالي
من بعد ضيق الحال صارت تساهيل
وربعٍ سعوا بالمال في كل حالي
افعالهم نبراس مثل القناديل
اللي لهم بالطيب اول وتالي
اهل الكرم والجود واهل المعاميل
وانخى البقيه كان فيها مجالي
تكفون فزعتكم تراها محاصيل
ربعي على الشدات نعم الرجالي
وقت اللوازم ماعليهم مداخيل
وصلاة ربي عدّ حبٌ الرمالي
واعداد ماهلت سحاب المخاييل
واعداد ماهبت هبوب الشمالي
على النبي اللي هدانا عن الميل
ليست هناك تعليقات:
إرسال تعليق