سلام ياشيخ الكرم والجمايل
شيخ المراجل والعلوم الجميله
ذربً اليمين مطوعٍ كل عايل
رجل ٍ على العليا حباله طويله
وقت اللقا شفت الفعل والصمايل
هذاك ابو مسفر يجيب الجزيله
شيخٍ ولايحتاج قول ودلايل
كسّاب للامجاد باية وسيله
تشهد له اقواله وطيب الفعايل
ماهو من اللي ينتظر للهزيله
شيخن رفيع الشان نسل الحمايل
راع الصفات النادره والجليله
كفه كما همّال صدق المخايل
لاسيّل الوادي على ارضٍ محيله
عزي خوالي والفخر بالقبيله
فيهم يزين الشعرواحلى المثايل
عدوهم يلقى كبار الهوايل
يلقى المذله والامور المهيله
اهل الكرم والجود بين القبايل
لشك مهما قلت فيهم قليله
وصلاة ربي عدّ ماقال قايل
واعداد ماهلت علينا المخيله
ليست هناك تعليقات:
إرسال تعليق