لاباس ياحامد من الشر لاباس
عساك يالغالي تقوم بسلامه
الصدر ضايق واصبح البال محتاس
مكتوب والمكتوب يرمي سهامه
حيثك عزيز ولك مكانه عن الناس
عندي رفيع القدر عالي مقامه
معزتِك بالقلب تبنى على ساس
واساسها بالصدق غير احترامه
خوه على مبدا قوى ترفع الراس
لها مابين الناس طيب وعلامه
رفيق درب وغالي اغلا من الماس
ودايم على وجهه تشوف ابتسامه
رجال له مبدا وبطيب ينقاس
ميزان عرف مبينن من كلامه
والله مصابك حط بالبال هوجاس
صار بعيوني ليل موحش ظلامه
اطلب من الله خالقٍ كل الاجناس
الواحد الخلاق منشي الغمامه
الخالق الي بقدرته ينبري الباس
اتقوم ياغالي بطيب وسلامه
ابوريان
ليست هناك تعليقات:
إرسال تعليق