يالله ياللي عالمٍ كل خافي
قادر على لم الشمل واجتماعه
بديت ب ابياتي وشدية قافي
من لايعٍ من داخل القلب لاعه
ربعِ على الفرقاء وشين الخلافي
صارو لكل الناس همزوطماعه
ابومحمدشيخ له قلب صافي
زاع الوفاء والجود و طيب زاعه
ياشيخ ابو مسفر بك العلم وافي
رجل الكرم والجود ماهي صناعه
نبغاء الصلح تكفون ونهوالخلافي
ما بالتفرق غير هم و قطاعه
صرنا شتات ومطمعٍ للخفافي
واليوم نصلح بينكم بالشفاعه
يازين لم الشمل بعد التجافي
ويلم شمل و يرتقي برتفاعه
متوافقين الراي دون اختلافي
وكلٍ على ماقيل يعرف متاعه
واللي جرى مابين الاصحاب كافي
يكفى تحني الراس نبغاء ارتفاعه
مثل المطرلرضٍ طواها الجفافي
من بعد ماكف المطر بنقطاعه
الي يبي تجلاء السنين العجافي
ونصير بين الناس يد وجماعه
يدمح علومٍ ظاهره والخوافي
ويقول لهل الصلح سمعٍ وطاعه
ليست هناك تعليقات:
إرسال تعليق