لاطال بك عمرك تشوف العجايب
ويزيدهمك لاغزى الراس شيبه
صغير سن و لابسٍ ثوب شايب
والعُود فوق الجمر فواح طيبه
نوفي و لو نحرق بجمر اللهايب
نصدح بحق ولو دفعنا الضريبه
مطوعين الصعب ورض النشايب
متوارثين المجد ماهي غريبه
ضلعٍ متين و لاتهده هبايب
لو ينذبح مابان للناس عيبه
دنيا نشوف بها علومٍ غرايب
حتى القريب اصبح يعادي قريبه
العدل ضاع وفيصل الحق غايب
ومن لارضى بلحق ربك حسيبه
الظن شين وناقل الهرج خايب
كم وافين منها جروحه عطيبه
الكفو ياخذ حق والحق صايب
وحصونا ضد المعادي قطيبه
ابداع
ردحذفصح لسانك يابو ريان
صح بدنك ابااسامه
ردحذف