حدتني العزه على كبت لسرار
ماعادبين الناس حشمه وتقدير
ضاقت بي الدنياءوتاهتبي افكار
تعبت من كثر العناو المشاوير
ساقتني الاقدار يوم الفلك داار
لمكالمة منهو يقود الطوابير
من ضيقتن بالصدر والهم محتار
بمكالمه . صارت دروبي تياسير
كفه نديه كنها المزن مدرار
عون الرفيق اللي حدته المقادير
شيخ المواقف له مكانه و مقدار
عند اللوازم مايسوق المعاذير
هذاك ابوسلمان لطيب تذكار
كريم وافي مايحسب المخاسير
لامنه اقبل مثل همّال الامطار
حكيم متواضع وله كل تقدير
والنعم بعتيبه هل الحرب والكار
اهل المراجل والعلوم المسافير
تاريخهم معروف في كل الاخبار
تشهد لهم فعل السيوف البواتير
ذباحة الحايل و شبابة النار
اهل الصواني والدلال المباهير
هم مكرمين الضيف حمايةّ الجار
عاداتهم بالطيب من دون تقصير
هذي حقيقه مابها شك وشوار
من يجهل افعول الرجال المناعير
ليست هناك تعليقات:
إرسال تعليق