عزاه ياقلبٍ من الهم صبار
وعزاه يانفسٍ تذوق المراره
راضين يارحمن في حكم الاقدار
لو ان كسر القلب ماله جباره
مرحوم يامن له مع الجود مشوار
يامن تربع فوق عرش الجداره
يغيب من جور المرض بين زوار
ولسانه يردد جميل العباره
يامرحبا يامن لفانا على الدار
رغم المرض بالجود شباب ناره
ياممن الخايف وياممن الجار
يامن يعلمنا بهيبة و قاره
له مابين الناس حشمه ومقدار
وناس تلهج له بطيب البشاره
يارب ضيفك بين جنات وانهار
في عالي الفردوس ينْحط داره
يشرب من الكوثر مع صفو الاخيار
ويقطف من الفردوس حالي ثماره
معذور يادمعٍ على الخد مدرار
خسارةٍ ياكبرها من خساره
ليست هناك تعليقات:
إرسال تعليق