ليت الزمن يرجع وعيشك ثواني
وقطف من غصون الهواء كل مافات
في داخلي بحروضجيج المواني
خلت رزين العقل يمسي ع اشتات
يلي سكن مابين حدب المحاني
وقفا وخل بمحجر العين دمعات
يام ترجيته ويام جفاني
اهديله ادموعي ويهديلي اهات
اي والله اعشق موطنه لونساني
وحب حتى صورته كيف ماجات
مره ونا سارح وزوله لفاني
فزيت اغني له و بصدر لوعات
عشته دقايق كنه اربع ثواني
واربع ثواني كنها اجمل اوقات
ايفوق في وصفه جميع الحساني
حتى البدر لاناظره قال له هات
ياليت من يعشق يّطول الاماني
وتوقف الساعه على خير لحظات
حاولت كم مره وقلبي عصاني
انساه لحضه وبحر بعشر سجات
يلي بسهم الموت قوسك رماني
وش ينفعك وصلٍ لي صاحبك مات
ياليت ماهملت خلفك رساني
دام المفارق جرع القلب مٌرات
ليست هناك تعليقات:
إرسال تعليق