بعض العرب حاظره يشبه غيابه
لا والله الا غيبته كنها العيد
زلته تشبه في المقابل صوابه
وصوابه ايجره لكثر المناقيد
وبعض العرب غيبته حزن وكابه
مثل المطرلاغاب عن جرد البيد
يكرم عن الزله ويكرم جنابه
يبني قصور العز بيديه ويشيد
وبعض العرب يشبه لقوس الربابه
بكف المغني يوم جر التناهيد
يحركه غيره ولابه. صلابه
معدنه طيب لكن الفعل تقليد
وبعض العرب يربطك فيهم قرابه
احمق ومتهور ولا منّه الفيد
ودك بصلبه بعد حد الحرابه
ولا تثور فيه في رحلة الصيد
ليست هناك تعليقات:
إرسال تعليق