يقلون بن الصمت حكمه ونبراس
لكن صمتك ع الحقيقه مصيبه
اصدح بقول الحق في كل مجلاس
لو كان تدفع في المقابل ظريبه
الحق مخلب طير وجّناح قرناس
اما يصيبك حق ولا تصيبه
ون جاك من ريح الخماسين نسناس
ادمح مدام ان القريب ال قريبه
ون كانت حلوق المخاليق يباس
قدم لهم قول الحقيقه بطيبه
لاتكبت المخطي ولا ترفع الراس
وخلك وسط من دون شكٍ وريبه
الحق يرضي الناس ويزعل الناس
كفٍ يبعدها و كفٍ رحيبه
القول حكمه لاغدى الصمت نوماس
نوماس تفرح به صدور عطيبه
والصمت حكمه لالحق قولك افلاس
افلاس قولٍ مايحل الطليبه
والصمت خير من الحكي عندلنجاس
بعيونهم كل. الاوادم غريبه
ليست هناك تعليقات:
إرسال تعليق