ضيف الفقر

ضيف الغنى ودّع وضيف الفقر حل
         و انا  كريم وردة الضيف  عارا
ذبحت له قعدان وثخنت في الابل
          الين ما عايشت وضع  الطفارا
ياما سقيته من وريدي ولا مل
           وغير حياتي ليل  ماله  نهارا
ايواري الأمرار  و يخبي الغل
           ويقلّب  الشينة يمين  ويسارى
واليوم صارالضيف غازي ومحتل
           وخلاء عقول اهل المكارم حيارى
ايتلنا  كف الفقر  للجفاء  تل
            من بعد ماكنا نسوق البشارى
ياهاجسي ترجم معاناتك وفل
            فل الحجاج الي كساه الغبارا
اضحك مع العالم من الخاطر وقل
            حنا  بخير  و حالنا  بزدهارا
كف الكرم لاواجه الفقر ينذل
             لو كان تتلحف بشوت الامارا
ماكن في صدره سوى صالي المل
            والفقر طير وحن غدينا حبارى
ماعاد اجامل ضيف غادر ومنحل
             ولا اسوق له بعد المفارق عذارا
واليوم شل قشك عن الدار ورحل
           باحط  مابيني  وبينك  ستارا
يابرق تبرق داخل المزن ويهل
            امطرعلى مجلس ضيوفه فقارا


✏