حييت ياضيفٍ عزيزٍ وله شأن
حييت ياشهر الكرم والفضيلة
استبشرت بقدومك ابيوت ووطان
يلي تداوي كل نفسٍ عليله
انت الفرح والسعدياشهرالحسان
يافرحت المشتاق لقبل خليله
ياضيف تكفى حط ليامك اعنان
ولْجمبها خيلٍ سبوقٍ اصيله
قال استغل الوقت مادمت سلمان
ساعات عمرك لوتطول قليله
الله كريم امكبلٍ كل شيطان
ومْشرع ابواب الجنان الجميله
شهرٍ جمع رحمه وعتقٍ وغفران
والليله الي فيه عن الف ليله
والموت مايمهل وله حد واسنان
والقبر يحفر ماعرفنا نزيله
كم فارسٍ جندله في شهر شعبان
مامدها يجني من حصايد نخيله
ياضيف دمعي سال من وسط العيان
والوزر من يقدر عليه و يشيله
ياالله دخيلك من تصاريف الزمان
واغفر لعبدٍ ضاق وانهد حيله
قافٍ رسمته بين تابوت واكفان
وتبقى القصايد والمعاني وسيله
ليست هناك تعليقات:
إرسال تعليق