الشاعرابوسلمان
وداع الله وداع ولا تحسبني اسير اشواق.
ترى شوقي يعودني وصال انفوس تواقه
تصبرنا سنين وكل يوم تزيد به لعواق.
يزيد الهم من فعلك ولا لي يوم له راقه
ونا لي خاطر يصبر على ساعة حزن وفراق
احاول مظهر اهمومي على عربان طراقه
تزين النفس مع شمس الغروب وبعدها لشراق
وتتعب من هواجرها ورمضى اسموم حراقة
ولو صدري من افعالك يشابه له صدى لبواق.
من التهمه تفاديتك يابو جندات بواقه
ولي عزه تظلل عيبك الخافي ولا ينطاق.
لاجل قومك اواريها بجسمي دام له طاقه.
فلا تحسب صفا جوي عقب غيمه بها لوداق.
ولو سالت نصيبي من غثاها اشكال لواقه.
مجاراتي
تداوي جرح من باعك ولك قلبٍ كسير الساق
يبلسم جرح محبوبه ويتنساء كسر ساقه
تكابر تخفي الدمعه ودمعك من جفونك ضاق
يبي يطفي براكين الغلاء ويخفف اخناقه
تلوح له تبي الفرق وذا عزم يجيك اخفاق
تدور عذر ترجع له ولا تقدر على فراقه
انا مثلك من سهوم الهواء لي خاطرا مافاق
ولكني اعز النفس عن حبٍ بلا فاقه
تعالينا مع النجمه سبحنا في ذراء لفاق
نعن النفس لاهانت نشق الثوب و بناقه
غيوم العشق لو ترعد ويسبقها سنا البراق
اصك اذني عن الرعاد و تجاهل لبراقه
تعلمنا من عيون العذاراء وزمان اسباق
اذ ذعذع نسيم الغدر اقوم اقفل الطاقه
ليست هناك تعليقات:
إرسال تعليق